Museoak eta interpretazio zentroak

 

Algorri Interpretazio Zentroa (Zumaia)

Zumaiako Algorri Interpretazio Zentroak, herriko K/T mugaren izena hartu duenak –planetako 5. desagertze handia markatzen duen geruza–, kostaren ingurune naturala modu entretenigarrian aurkeztu eta esplikatzen digu, flyscharen eraketa barne.

Nautilus Ikasgune Geologikoa (Mutriku)

Mutrikuko amildegiak, flysch beltzez osatuak, 100 milioi urte baino gehiago duten fosilez beterik daude. Jesus Maria Narvaezen urtetako lan eta berreskurapenari esker, lagin bilduma garrantzitsu bat antolatu ahal izan da, eta, orain, Nautilus ikasgunean erakusgai dago.

 

Museoak

Zuloaga Museoa (Zumaia)

Santiago Etxea Urola ibaiaren bokalean dagoen monumentu-multzo bat da, bere padura babestuaren eta izen bereko Kantauriko hondartzaren artean kokatua. Zuloagaren obra euskal margolariaren estudioan dago ikusgai; bere bilduma pribatuaren museo eta Santiagoko Bideko baseliza den tokian.

Aipatutako espazioek Ignacio Zuloagaren mihise garrantzitsuak biltzen dituzte, baita margolariak bere bizitzan zehar gorde zituen artelanak ere.

Santiagoko Bideko baselizan, Zumaiako eskultore eta Zuloagaren adiskide mina zen Julio Beobideren Kristo gurutziltzatua ikus daiteke, baita Quintín de Torreren Andre Maria Doloretakoa ere.